Avancimi i Edukimit për Median dhe Informacionin në Ballkanin Perëndimor
Shtatë organizata për zhvillimin e medias në Ballkanin Perëndimor janë bashkuar për një projekt të financuar nga BE “Media për Qytetarët – Qytetarët për Median” për të ndërtuar kapacitetet e organizatave të shoqërisë civile për të avancuar edukimin në fushën e medias dhe informacionit (EMI) në rajon.
Projekti (2018 – 2021) ka si synim të kontribuojë në shoqërinë civile të fuqizuar dhe të gjallë që punon në mënyrë aktive për avancimin e politikave dhe praktikave të EMI në Shqipëri, Bosnjë dhe Hercegovinë, Maqedoni të Veriut, Mal të Zi dhe Serbi.
Çfarë do të bëjë projekti?
- Raportet kërkimore do të paraqesin gjendjen aktuale të politikave dhe praktikave të EMI në secilin vend dhe në rajon si bazë për aktivitetet pasardhëse.
- Koalicione EMI do të formohen në çdo vend si grupe pune ndër-sektoriale për të hartuar plane avokimi dhe për të koordinuar zbatimin e tyre, të mbështetur nga fushatat e avokacisë.
- MIL Regional Screenshot, një event një-ditor, do të mbledhë aktorë të ndryshëm, aktivistë dhe ekspertë në Novi Sad, Serbi, për një shkëmbim rajonal mbi si të avancohet EMI.
- Festivali Veror i EMI do të mbledhë rreth 150 pjesëmarrës në Ohër, Maqedoni të Veriut, për punëtori edukative, panele ekspertësh dhe sesione networking me ekspertë kryesorë rajonalë dhe nga BE, në mënyrë që të shkëmbehet njohuri dhe të praktikohet mbi zgjidhje inovative dhe krijuese dixhitale për promovimin dhe mësimin e EMI.
- Trajnimi i trajnerëve të ardhshëm do të krijojë një grup rajonal prej 50 trajnerësh EMI për të trajnuar organizatat e shoqërisë civile të etura për të përparuar dhe promovuar EMI në të gjithë rajonin.
- 40 nisma të EMI nga organizatat e shoqërisë civile do të financohen nga ky projekt për të rritur ndërgjegjësimin dhe për të edukuar rreth EMI dhe rëndësisë së tij.
- Fushatat online do të vënë në qendër të vëmendjes pikëpamjet rreth MIL të gazetarëve, mësuesve dhe qytetarëve – studentëve, prindërve, të moshuarve – si protagonistë kryesorë.
- “Gazetaria për Qytetarët” do të sjellë gazetarë të njohur në shkollat e mesme për të sjellë EMI më afër studentëve, duke u fokusuar në lirinë e medias dhe të kuptuarit kritik të përmbajtjeve të mediave.
Follow “Media for Citizens – Citizens for Media”!
