Edukimi për Median dhe Informacionin (EMI) në mësimdhënie

Mbaruam me serinë e parë të trajnimeve për Drejtuesit e Rrjeteve Profesionale të Mësuesve në Drejtoritë Rajonale të Arsimit Parauniversitar në Fier, ku u përqendruam në përfshirjen e Edukimit për Median dhe Informacionin (EMI) në mësimdhënie.

Ky trajnim kishte si qëllim informimin dhe aftësimin e drejtuesëve dhe mentorëve të rrjeteve për mënyrën e integrimit të EMI-t në lëndët përkatëse. Gjithashtu, ata mësuan si të shpërndajnë këtë informacion tek rrjeti i gjerë i mësuesve.

Mësuesit e përfshirë në pilotimin e kurrikulës “Edukimi për Median dhe Informacionin” (EMI) në shkollat përkatëse, kishin mundësinë të njihen me kornizën kurrikulare dhe me kompetencat kryesore që duhet të zotërojnë për të realizuar një implementim të suksesshëm të këtij edukimi në klasë. Trajnimi gjithashtu u fokusua në përdorimin e EMI-t si metodologji për mësimdhënie, duke theksuar mundësitë për të aksesuar dhe përdorur burime të ndryshme informacioni në mënyrë efektive.

Ky aktivitet realizohet në kuadër të Projektit “Krijimi i Besimit në Media në Evropën Juglindore dhe Turqi, Faza II”, mbështetur nga UNESCO dhe Bashkimi Europian, dhe zbatohet nga Instituti Shqiptar i Medias në bashkëpunim me Agjencia e Sigurimit të Cilësisë së Arsimit Parauniversitar.