Manual për trajnerët. Edukimi për median dhe informacionin.

Qëllimi i këtij udhëzuesi online është të ndihmojë trajnerët në Edukim për Median dhe Informacionin (EMI) në mësimin e lëndëve që lidhen me këtë temë, si dhe në trajnimin e trajnerëve të tjerë potencialë të ardhshëm në këtë aspekt. Ky manual është krijuar si një kontribut për trajnerët e EMI për të përgatitur programin e tyre arsimor, në një mënyrë sa më të lehtë dhe interesante. Manuali mund të jetë i dobishëm për një gamë të gjerë aktorësh, të tillë si përfaqësuesit e OJQ-ve, mësuesit e përfshirë në EMI, gazetarët dhe personat e tjerë të interesuar në edukimin e target grupeve të ndryshëm. Manuali është ndërtuar mbi disa module, me ushtrimet përkatëse dhe materialet shtesë që mund të përdoren për të ilustruar konceptet themelore të EMI. Udhëzuesi është përgatitur në kuadër të projektit rajonal “Media për Qytetarët – Qytetarët për Median” – projekt i shtatë organizatave të shoqërisë civile për zhvillimin e medias në Ballkanin Perëndimor (Fondacioni Media Centar Sarajevo, Instituti Shqiptar i Medias, Instituti Maqedonas i Medias, Instituti i Medias i Malit të Zi, Shkolla e Gazetarisë në Novi Sad, Instituti i Paqes në Lubjanë dhe Rrjeti i Profesionalizmit të Medias (SEENPM)), që kanë për qëllim forcimin e kapaciteteve të organizatave të shoqërisë civile për të promovuar nismat në lidhje me EMI. Projekti financohet nga Bashkimi Evropian.